Tortilla rúllur

Vinsæll veislu og partýréttur sem fljótlegt er að útbúa. Gott að útbúa með góðum fyrirvara og geyma undir plastfilmu.

Innihald
6 stk. Tortilla kökur, stórar
400 gr. Rjómaostur
800 gr. Taco sósa
200 gr. Rifinn ostur
2-300 gr. Tortilla flögur
Taco spice mix

Aðferð
Myljið Tortilla flögurnar fínt, blandið í skál saman við Taco sósuna. Hrærið rifna ostinum saman við blönduna og kryddið eftir smekk. Hafið fyllinguna nokkuð þykka svo hún renni ekki, þykkið með flögum eftir þörfum. Smyrjið mjúkum rjómaostinum á kökurnar og skerið þær þversum. Setjið fyllinguna á miðjar kökunar og rúllið þéttingsfast upp frá mjórri endanum. Skerið í hæfilega bita, raðið á fat og berið fram.

 

Eggjakaka með beikoni.

3 stk. Egg
3 sneiðar Beikon
3 sneiðar Skinka
¼ stk. Paprika
¼ stk. Laukur
Olía til steikingar
Beikon saxað og steikt á pönnu, takið til hliðar. Hitið olíuna á pönnu, saxaður laukur mýktur í olíunni. Hrærið eggin saman og hellið á heita pönnuna, saxið skinku og papriku og stráið yfir pönnuna ásamt beikoninu, bakið áfram.

Aftur upp

Eggjakaka með pepperroni.

3 stk. Egg
3 sneiðar Skinka
6 sneiðar Pepperoni
3 stk. Sveppir
¼ stk. Paprika
Olía til steikingar
Grænmeti, skinka og pepperoni saxað. Hitið olíuna á pönnu. Hrærið eggin saman og hellið á heita pönnuna, fyllingu stráð yfir og kakan bökuð.

 

Aftur upp