Húsráð
Skráðu þig á póstlistann:
|
Bragðgóð GRILL-sósa til að pensla grillkjötið, hvort sem er lamb, svín eða annað. Fita og sykur í lágmarki, því er lítil hætta á að grillið logi og komi í stað varðeldsins!
Innihald
2 dl. Tómatsósa
2 stk. Rauðlaukur
2 msk. Rauðvínsedik
1 msk. Worchestershiresósa
3 msk. Púðursykur
Hnífsoddur. Chilipipar-dufti
Hnífsoddur. Svartur Pipar
3-4 dropar Tabascosósa
3-4 msk. Ólívuolía
Aðferð
Saxið laukana fínt og mýkið örlítið í olíu í potti, bætið því sem eftir er í pottinn og látið malla í 15-20 mín. eða þar til þykktin er að þínu skapi. Bragðið til og bætið með Tabascosósu og svörtum pipar.
Fersk hvítlaukssósa.
Einstaklega fersk og góð hvítlaukssósa. Í stað mayonnaise er notaður sýrður rjómi og ólívuolía, því er sósan í hollari kantinum. Hentar einkar vel með grillmat og skelfiski.
Innihald
200 gr. Sýrður rjómi
1/2 dl. Jómfrúar ólífuolía
2 stk. Hvítlauksgeirar
1/2 stk. Lime
2-3 msk.Steinselja
2 tsk. Hunang
Salt og pipar
Aðferð
Hellið ólífuolíu í mjórri bunu saman við sýrðan rjóma, hrærið vel saman ásamt hunanginu. Pressið hvítlauksgeirana, saxið fínt og bætið út í rjómann. Rífið græna lagið af hýði hálfrar Límónu fínt og setjið saman við ásamt fínt saxaðri steinselju. Kryddið með salti og pipar. Best að sósan standi í kæli um stund. Magn áætlað fyrir 4.
Einstaklega einföld og góð sinnepsósa sem hentar vel með pasta eða fiskréttum.
Innihald
2 msk. Létt mayonnaise
5 msk. ABmjólk
3 msk. Sætt sinnep
2 tsk. Dijon sinnep
1 tsk. Hunang
Aðferð
Hellið ABmjólk í kaffi-filtpoka og látið standa í ca. ½ klst. svo mesti vökvinn renni úr henni, hún þykknar og verður ekki eins súr. Hrærið öllum innihaldsefnum saman og bragðið til með sinnepi eftir smekk. Berið sósuna fram vel kalda.
Fisksósa.
1 ds. Sýrður rjómi
1 msk. Mayonnaise
3 stk. Egg
6 tsk. Barbeque relish
3 tsk. Dijon sinnep
3-4 msk. Tómatsósa
Harðsjóðið eggin og saxið smátt, hrærið allt vel saman.
Smakkið til og látið í kæli góða stund.
.jpg)
Hindberjasósa.
100 gr. Flórsykur
1 dl. Vatn
100 gr. Hindber, fersk eða frosin
1 tsk. Sítrónusafi
Allt sett í mixara og hrært vel saman.
Kirsuberjasósa.
800 gr. Kirsuber ( glerkrukka )
1 msk. Maizenamjöl
1 dl. Vatn
Kirsuberin sett í pott ásamt safanum og vægri suðu komið upp.
Maizenamjölið leyst upp í köldu vatni. Potturinn tekinn af hellunni og maizenamjölinu bætt saman við.
Látið sjóða í u.þ.b. 1 mín. Sósan getur verið hvort sem heldur heit eða köld.
Rauðvínssósa.
Innihald
8 dl. Svínakjötsoð
40 gr. Hveiti
40 gr. Smjörlíki
1 dl. Rauðvín
1 msk. Rifsberjahlaup
1 dl. Rjómi
Salt og pipar
Svínakjötskraftur
Aðferð
Hrærið smjörlíki og hveiti í smjörbollu og þynnið bolluna með sigtuðu soðinu. Bætið rauðvíni, rifsberjahlaupi og rjóma út í og bragðbætið með salti, pipar og kjötkrafti ef vill.
Graflaxsósa.
250 gr. Mayonaise
1 msk. Dijonsinnep
1 msk. Hunang
2 tsk. Dill
Salt og pipar
3 msk. Rjómi
Mayonaise, sinnep, hunang og krydd hrært saman, þeyttum rjóma blandað varlega saman við. Bragðið til með kryddinu. Kælið.
Graflaxsósa 2
Púðursykur dökkur
Dijon sinnep
Ferskt dill.
Salt og pipar
Hlutföll eftir smekk.
Hrærið saman púðursykur og sinnep.
Fínsaxið dillið og blandið saman við.
Kryddið með salti og hvítum pipar.
Graflaxsósa 3
Sýrður rjómi
Púðursykur dökkur
Dijon sinnep
Ferskt dill.
Salt og pipar
Hlutföll eftir smekk. Hrærið saman púðursykur og sinnep.
Fínsaxið dillið og blandið saman við. Kryddið með salti og hvítum pipar.
200 gr. R ækjur
1/2 d.l Rjómi
4-5 dl. Kjöt eða fisksoð
2 msk. Hveiti
30 gr. Smjörlíki
Salt og pipar
Smjörlíkið brætt í potti, ekki brúna. Hveiti hrært saman við og bollan þynnt smátt og smátt með soðinu. Hrærið vel þar til sósan er jöfnuð, þá er rækjunum bætt saman við. Sósan er mjög góð með fiski.
Bernaise-sósa.
6 stk. eggjarauður
500 gr. smjör
3 - 4 msk. hvítvíns edik
1 msk. ferskt saxað etragon
Salt og Svartur pipar úr kvörn
Karrý á hnífsoddi
Paprikuduft á hnífsoddi
½ msk. Dijon sinnep
Kjötkraftur ef vill
Fyrst skal taka fram að við þessa sósugerð má hiti aldrei vera mikill, annars verða eggin hleypt og sósan getur aðskilið sig. Ekki skal nota pott úr áli. Bræðið smjörlíkið við vægan hita. Kælið og fleytið tærri fitunni ofan af botnfallinu. Eggjarauður þeyttar yfir vatnsbaði ásamt ediki . sinnepi og kryddinu þar til blandan er létt og ljós. Takið af vatnsbaðinu og hrærið smjörinu saman við í mjórri bunu, smátt og smátt og þeytið vel allan tímann. Verði sósan of þykk má þynna hana með volgu vatni, en varlega. Kryddið betur ef vill.
|
|
